http://www.fasnachtsfotos.ch/v/basler-fasnacht/2010/ Motto Basler Fasnacht 2010: E rundi Sach!

Jetz, wo mer uff e groosse Runde aanestyyre
mit hundert Faasnachts-Joorgäng under Dach und Fach,
jetz wämmer bschaide, baaslerisch e bitzli fyyre,
denn immerhii sinn hundert Joor E RUNDI SACH!
Und d Feschtfraid wämmer au mit dr Blagette zaige:
mit dr Frau Faasnacht, wo uff iirem braite Huet
grad wien e Bluememaie unsere ganze Raige
vo Baasler Faasnachts-Naare presentiere duet.
Das Wärgg vom Pascal Kottmann gits wie gwoont in Kupfer,
in Silber, Gold und au als Bijou („Médaille d’Or“).
Es isch e ganz en elegante Ufftaggt-Dupfer
im Fasnachts-Comité sym Jubileeums-Joor.
Und wär d Blagette richtig bschaut, dä wird entdegge,
dass sich deert ganz im Egge in sym Naareglaid
dr 1911-er-Ueli duet verstegge,
die legendääri ”Noodle”, wie me z Baasel sait.
Jetz isch dä Ueli abgstaubt, gliftet, und mer dängge,
die Noodle gäbs als Souvenir no oobedryy
zem noo dr Faasnacht iber s Joor an Tschoope hängge.
E Juubeljoor lang Nostalgyy – das deerf doch syy!
s Fasnachts-Comité]]> en-us Gallery 2 RSS Module, version 1.1.7 Sun, 05 Feb 2012 14:46:42 +0100 120 http://www.fasnachtsfotos.ch/d/56307-2/2010.jpg http://www.fasnachtsfotos.ch/v/basler-fasnacht/2010/